12 Յուլիս 2021-ին, Ֆութպոլի Եւրոպայի 16-րդ առաջնութեան եզրափակիչին` «Ուեմպլի» մարզադաշտին վրայ Իտալիան մրցեցաւ Անգլիայի հետ:
Հանդիպման մեկնարկին, առաջին իսկ յարձակումի ժամանակ, խաղի 2-րդ վայրկեանին Անգլիան առաջ անցաւ: Արագ հակայարձակման ժամանակ աչքի ինկաւ Լիւք Շոուն: Ասիկա Եւրոպայի առաջնութիւններու պատմութեան մէջ ամենաարագ կոլն է, որմէ ետք Իտալիան կորսնցուց խաղի «թելը»: Անգլիան կը տիրէր, իսկ «ազուրիները» անկանոն կը գործէին: Խաղակէսի վերջնամասին իտալացիներու խաղին մէջ հաւասարակշռութիւն տիրեց: Խումբերը ընդմիջման գացին անգլիացիներու նուազագոյն առաւելությամբ՝ 1-0։
Երկրորդ կէսի մեկնարկին Իտալիան շատ աւելի աշխոյժ էր, եւ այդ աշխուժութիւնը տուաւ իր արդիւնքը 61-րդ վայրկեանին։ Անգլիայի տուգանային հրապարակին մէջ արագ կողմնորոշուեցաւ եւ հաւասարութիւնը վերականգնեց Իտալիոյ պաշտպան Լեոնարտօ Պոնուչին: Ի դէպ, Պոնուչին «ամենածեր» ֆութպոլիստն է, որ կոլի հեղինակ դարձաւ Եւրոպայի առաջնութեան եզրափակիչներուն: Ի վերջոյ, հիմնական ժամանակն աւարտեցաւ ոչ-ոքի`1:1 հաշիւով, եւ խաղը տեղափոխուեցաւ լրացուցիչ ժամանակ: Լրացուցիչ ժամանակի առաջին կէսին թիմերը զգուշաւոր էին յարձակման գիծին վրայ եւ առաւել կեդրոնացած էին պաշտպանութեան վրայ: Երկրորդ կէսը եւս նոյն տեսքն ունեցաւ, եւ այս ի վերջոյ որոշիչ եղաւ խաղի աւարտին 11-մեթրանոց հարուածաշարը, ուր առաւել դիպուկ էին իտալացիները:
Իտալիայի համար ասիկա արդէն 4-րդ եզրափակիչն էր: Երկու անգամ` 2000 եւ 2012 թուականներուն Իտալիան ձախողած է, իսկ 1968 թուականին ան յաղթած է:
