Միսիոնարներու համաշխարհային օրուան առթիւ, Ֆիտես Լրատու գործակալութեան հրապարակած վիճագրական տուեալներուն համաձայն, աշխարհի մէջ կաթողիկէ հաւատացեալներուն թիւը, բաղդատմամբ 2016 թուականին, 14,2 միլիոն աճ արձանագրած է, հակառակ Եւրոպայի մէջ կաթողիկէներու թիւի նուազեցման:
Աշխարհի 7,4 միլիարտ բնակչութեան, 1,3 միլարտը կաթողիկէ հաւատացեալներ են: Համեմատութեամբ 2016-ին, կաթողիկէներու թիւը ամէնէն շատ աճ արձանագրուած է Ափրիկէի ցամաքամասին մէջ, որուն կը յաջորդեն Ամերիկայի, ապա Ասիոյ ցամաքամասերը: Մինչ՝ Եւրոպայի ցամաքամասին մէջ կաթողիկէներուն թիւը նահանջ արձանագրած է․ համեմատութեամբ բնակչութեան աճ արձանագրած 1,3 միլիոն թիւին, մկրտեալներուն թիւը նուազած է:
Միշտ Ֆիտես լրատու գործակալութեան վիճակագրական տուեալներուն համաձայն, աշխարհի վրայ քահանաներուն թիւը եւս նահանջ արձանագրած է: Աշխարհի քահանաներու թիւն է 414,949: Այս անգամ եւս քահանաներուն թիւը ամէնէն շատ նուազած է Եւրոպայի մէջ: Մինչ Ափրիկէի եւ Ասիոյ մէջ քահանաներուն թիւը 1,181 աճ արձանագրած է :
Կրօնաւորներուն թիւը եւս նուազելով, անոնք այսօր աշխարհին վրայ կը հաշուեն 133,138 կրօնաւորներ: Համեմատութեամբ 2016 թուականին, աշխարհին վրայ նորընծաներու թիւը եւս ընդհանուր առմամբ նահանջ արձանագրած է: