2017-ի օգոստոսին, Զմմառու Պատրիարքական Կղերի Միաբանութեան Ընդհանուր Ժողովի աւարտին, Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարքը երեք միաբաբաններ անուանեց տարբեր առաքելավայրերու մէջ՝ հայր Բարսեղ վրդ. Պաղտասարեանը Միացեալ Նահանգներու եւ Գանատայի թեմին, իսկ հայր Եղիա վրդ. Դերձակեանը եւ հայր Մաշտոց վրդ. Զահթէրեանը Հայաստանի եւ Արեւելեան Եւրոպայի թեմին ծառայութեան:
Միացեալ Ամերիկայի եւ Գանատայի թեմի առաջնորդ՝ գերպ. Հայր Միքայէլ Եպս. Մուրատեան անուանեց հայր Բարսեղ վրդ. Պաղտասարեանը ժողովրդապետ Կլէնտըլի Հայ կաթողիկէ Սուրբ Գրիգոր Լուսաւորիչ աթոռանիստ եկեղեցւոյ ժողովրդապետ, յաջորդելով հայր Անտոն վրդ. Նորատունկեանի:
Հայաստանի, Վրաստանի եւ Արեւելեան Եւրոպայի առաջնորդ՝ գերպ. Հայր Ռաֆայէլ Եպս. Մինասեան անուանեց հայր Եղիա վրդ. Դերձակեանը ժողովրդապետ Աշոցքի, իսկ հայր Մաշտոց վրդ. Զահթէրեանը ժողովրդապետ Գիւմրիի Սրբոց Նահատակաց եկեղեցւոյ: