«Կորուստը չափազանց մեծ է Հայաստանի ու աշխարհասփիւռ հայութեան համար, քանզի ի դէմս նրա հայ ժողովուրդը կորցրեց կաթողիկէ եկեղեցու հաւատարիմ սպասաւորի, ականաւոր ու հայրենանուէր ազգային գործիչի, որը մեծ նուիրումով, անսպառ եռանդով ու հաւատով էր ծառայում եկեղեցուն եւ ժողովուրդին»։ Այս խօսքերով է, որ Հայաստանի Հանրապետութեան նախագահ Տիար Արմէն Սարգսեան կը սկսի իր յղած ցաւակցագիրը Տանն Կիլիկիոյ Կաթողիկէ Հայոց Կաթողիկոս Պատրիարքի մահուան ի լուր։
«Նշանակալի են Կաթողիկոս Պատրիարքին անձնական ջանքերը` ուղղուած հայապահպանութեանը եւ հայրենիք-սփիւռք համակողմանի կապերի զարգացմանը։ Անգնահատելի է նաեւ նրա աւանդը միջ-եկեղեցական յարաբերութիւնների խորացման եւ ընդլայնման գործում» կը նշէ վսեմաշուք նախագահը որ ապա «Անդառնալի այս կորուստի կապակցութեամբ» կը յայտնէ «խորին ցաւակցութիւն` հանգուցեալի հարազատներուն, մերձաւորներուն, հոգեւոր դասի ներկայացուցիչներուն, ազգային ու եկեղեցական գործիչներուն»։
«Ամենապատիւ եւ գերերջանիկ ՏՏ Գրիգոր Պետրոս Ի. Ղապրոյեանի բարի անունը ու լուսաւոր յիշատակը միշտ վառ կը մնայ մեր սրտերուն մէջ» կ’եզրափակէ Նախագահ Սարգսեան։