Երկուշաբթի, 31 հոկտեմբեր 2016-ին, Տանն Կիլիկիոյ կաթողիկէ Հայոց Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարքը շնորհաւորական հեռագիր յղեց Լիբանանի հանրապետութեան նորընտիր նախագահ զօր. Միշել Աունին: Հեռագիրին մէջ նշուած էր հետեւեալը.
«Լիբանանի նախագահական ընտրութեան առիթով կու գանք շնորհաւորելու նորընտիր նախագահ զօրավար Միշել Աունը եւ Լիբանանի ժողովուրդը` անոր մաղթելով քաջառողջութիւն եւ յաջողութիւն, ինչպէս նաեւ խաղաղութիւն եւ բարգաւաճում մեր սիրելի Լիբանանին»: